ترڪ2: سنڌ ۾ تُرڪ ذات جا ماڻهو به موجود آهن. سمن جو هڪ قبيلو به پاڻ کي ترڪ سڏائيندو آهي. ٿي سگهي ٿو ته ڪنهن دور ۾، ترڪن ۽ سمن ۾ مٽي مائٽي ٿي هجي، تنهنڪري انهن جو پاڙو ئي ”تُرڪ سما“ سڏجڻ لڳو. سنڌ ۾ ڪيترا ’ترڪ‘ لوهارڪي ڌنڌي سان به وابسته آهن، پر اهي مختلف ڌنڌا ۽ نوڪريون وغيره به ڪن ٿا. سنڌ يونيورسٽيءَ جو اڳوڻو رجسٽرار محمد حسين ترڪ به انهن مان هڪ هو، سندس فرزند اسلم ترڪ پولي ٽيڪنڪ ڪاليج، حيدرآباد جو پرنسپل رهيو ۽ تازو اتان رٽائر ڪيو اٿس .